متن آهنگ علی یکتا - عیبی یوخ

بو سئوگی دن سن قورخوسان عیبی یوخ
من سئوه رم ایکیمیزین یئرینه
بو عشق اوچون بیر گون دارا چکسه لر
من گئدرم ایکیمیزین یئرینه

مین عذاب دیر سن سیز کئچن هر گونوم
اونودموشام یاخشی یامان فرقینی
بو سئوگینین داغ اریدن دردینی
من چکرم ایکیمیزین یئرینه

گول دئییرم گول قلبینه ده ییرم
من سن اوچون تانری یازان شئعیرم
دوداقلارین ایینجیمه سین دئییرم
من اؤپه رم ایکیمیزین یئرینه

طالئعیمده سن آچیلان گولوم سن
سوزوب قارا گؤزلرینی گولومسه
بو سئوگی نین سونو اگر اؤلومسه
من اؤله رم ایکیمیزین یئرینه