فرهاد قلی نژاد دتر لالا

دِتِرِ دور مِه چِشِه وِسِه سوئه لالالالا بَمیرِم
مِه دنیائه مِه عمرِ رنگ و روئه لالالالابَمیرِم
هِوای دشتِ لاره مَستِ خوئه لالالالابَمیرِم
قِشنگِ بِهارِه چِشمه یِ اوئه لالالالابَمیرِم

لالالالابَمیرِم ۲ آهو لالابَمیرِم دل بالابَمیرِم

مهربون نازنین قِرارِ مِه دِل لالالالابَمیرِم
مِه وِستِه خوندِنِه مِثالِ بِلبِل لالالالابَمیرِم
مِثالِ گِل بِهارِه بورِه دارنِه لالالالابَمیرِم
مِه امید و مِه جان مِه عمرحاصل لالالالابَمیرِم

لالالالابَمیرِم آهولالابَمیرِم دِتِرلالابَمیرِم دلِ بالا بَمیرِم

مِه دِتِرجان تِه چندِه باوِفایی لالالالابَمیرِم
خِدا دوندِه خِدِه حِجبا حیایی لالالالابَمیرِم
مِه دوشِ قوتِ دشت و صحرایی لالالالابَمیرِم
مِه شالیزارِ وِر تازه نِشائی لالالالابَمیرِم